الدوحه
مقبرة السفن اللي بالدوحه للي ما يعرف المكان اللي قصدي عنه .. يم المدينه الترفيهيه في بحر وهالبحر متروس سفن قديمه .. هذي السفن اما تكون لمهربين داشين الديره او مخالفين لما يصيدونهم ياخذون السفن منهم ويعطون كل سفينه رقم و ينسونهم هناك يوم يومين.. سنه سنتين..
انا وقعت بغرام المكان من بديت هواية التصوير .. كل مره اروح هناك اشوف شي جديد للتصوير مع ان السفن نفسهم مايتغيرون
المهم .. هذي كانت اول مره اروح الدوحه بالليل ,, وكان صج شعور ثاني شعور غير…وانا واقفه اصور سمعت احد يناديني التفت ما لقيت احد .. رديت اصور وانا مندمجه بالتصوير سمعت اللي يقول لي انا ترى مو مجرد رقم انا لي قصه وتاريخ لفيت ما لقيت ما في غير السفينه رقم 13 وراي .. قلت لها تكلميني .. قالت لي اشوفج تين وتروحين وغيرج ايي و يروح مايهمكم الا الصوره والزاويه ولا احد فيكم فكر فيني من وين يايه ولي متى قاعده .. انا صراحه انبهرت من كلامها و قلت لها انا بسمع قصتج كلي اذان صاغيه … ردت علي : انا سفينة صيد يايه من ايران .. الصيادين الله يهداهم طمعو وبدال ما يصيدون بديرتهم ويبيعون سمجهم هناك قالو خلينا نروح الكويت ديرة الخير .. واحنا بطريجنا لي الكويت ما وعينا الا خفر السواحل حوالينا نزلو الصيادين كلهم وردوهم ديرتهم وانا خلوني هني وحيد لا انيس ولا صديق .. اشوف الياي واللي رايح ومحد يسمعني .. محد يحس بوحدتي
حسيت بقشعريره وانا اتكلم مع السفينه .وكلامها معاي خلاني افكر … في ناس وايد حوالينا يضحكون ويطلعون ومحد يدري ان لكل واحد منهم قصه ولكل واحد منهم حزن مدفون .. يضحكون وقلبهم يبجي .. يمارسون حياتهم وهمو يحاولون يتعايشون مع الالم .. المره اليايه اللي تشوفون فيها ناس تضحك .. فكرو شوي
soso said,
April 2, 2008 at 7:37 pm
waaaaaaaaaaaaaaaaaaaaay
sheno hatha 3awar galb!!!!!!!!!!!!!!!!
6ool ma ana agra, marrah agool mino? mara agool yinni? marra agool yannaT? o marrah agool yemkin qasdha ana
o mara agool yemkin one of the dogs there.
bas sij, sadagt, chinna el safeena tit7acha
Broke said,
April 6, 2008 at 12:41 pm
This post is amazing and inspiring ..
I’m loving ur imagination .
feelingstalk said,
April 8, 2008 at 9:23 am
SOSO: loooooooooooool am glad that i make u feel that way .. this is the purpose
Broke: Thanks my dear .. shah`dtij a3taz fiha :))