Feelings Talk’s Weblog

ممنوع تشربين قهوه , شاي, كاكاو  او تدخنين ليوم كامل

اول ما سمعت اوامر الطبيب علشان اختبار التنفس اللي راح اسويه اليوم اللي بعده

وانا افكر بس اب كلمه وحده لا لا لا لا لا لا

من يوم كنت صغيره وانا ما احب احد يقولها لي

لا والحين على احلا شيين عندي قهوه و تدخين

لوووووووووووووووووووووووول

قصدي قهوه و كاكاو

ما بقى مكان بالدوام ما حطيت فيه نوت فيها جميع المحذورات

اليوم اللي قبله قعدت افكر اشلون ما راح اشرب قهوه الصبح

شنو راح اسوي لما اصدع

بعد القيلوله شلون اصحصح بدون كاكاو

افكار اتيي وافكار تروح

لما دشيت مكتبي قلت ابي عصير

وبعدها تريقت و وصلت البت عادي

مشى اليوم كله بلا منغصات

ومازاد ولا قل مني عدم شربي للقهوه او اكل الكاكاو

مشكلتنا انا نحط اب بالنا افكار قبل لا نجرب

لازم نعطي روحنا فرصه و نشوف اذا الشي يناسبنا ولا لا

قبل لا نحكم انا لا او اي

اي و نسيت اقول نتايج الفحوصات سليمه

دايما يقولون الي مايموتك يخليك اقوى

وبعد يقولون الناس اجناس و ماتعرفهم الا لما تعاشرهم

في هالسنه مرو علي ناس اجناس والوان

ما عرفتهم الا بالمواقف الصعبه اللي تبين معدن الناس

في ناس ياما مدحتهم وياماقلت عنهم كلام طيب

لكن عرفت بالطريقه الصعبه انهم ناس لابسه اقنعه

تتلون لون مو لونها

بموقف بين المعدن

اسبوع كامل و انا مصدومه

ماني قادره اعيش حياتي الطبيعيه

دشيت بمشكله ما تخصني

بس الحمدالله بوقوف صديقتي معاي

قدرت اتخطاها

وعرفت قيمه هالانسانه